നിയുക്ത ശബരിമല മേൽശാന്തി കൊട്ടാരം ജയരാമൻ നമ്പൂതിരിയ്ക്ക് ചെറുതാഴം ശ്രീരാഘവപുരം ക്ഷേത്രത്തിൽ സ്വീകരണം നൽകി. സ്വീകരണസമ്മേളനം മലബാർ ദേവസ്വം ബോർഡ് തലശ്ശേരി ഏരിയ കമ്മറ്റി ചെയർമാൻ ടി.കെ. സുധി ഉദ്ഘാടനം ചെയ്തു. ശ്രീരാമ ഹനുമൽ സേവാസമിതി രക്ഷാധികാരി കെ.നാരായണൻ കുട്ടി അദ്ധ്യക്ഷനായി.
ക്ഷേത്രത്തിൽ ഡിസംബർ 25 മുതൽ 28 വരെ നടക്കുന്ന സഭായോഗം വാർഷികസഭയുടേയും വേദഭജനത്തിന്റെയും നോട്ടീസ് പ്രകാശനം നിയുക്തമേൽശാന്തി നിർവ്വഹിച്ചു.
ട്രസ്റ്റി വാരണക്കോട് ഗണപതി നമ്പൂതിരി, സഭായോഗം സെക്രട്ടറി പേർക്കുണ്ടി ഹരി വാദ്ധ്യാൻ, മേൽശാന്തി എം.സുബ്രഹ്മണ്യൻ നമ്പൂതിരി, എക്സിക്യൂട്ടീവ് ഓഫീസർ അടിമന വാസുദേവൻ നമ്പൂതിരി, സി.എൻ. വേണുഗോപാലൻ, ഒ. സി. കൃഷ്ണൻ നമ്പൂതിരി, കെ. കൃഷ്ണൻ, ചെറുതാഴം ചന്ദ്രൻ, കെ.വി. ഗോകുലാനന്ദൻ, കെ.പി. മധുസൂദനൻ എന്നിവർ സംസാരിച്ചു.